Gipahigayon sa Bureau of Fire Protection (BFP)-Malaybalay City Station ang Barangay Fire and
Rescue Olympics 2026 isip kabahin sa pagpalig-on sa kahandam ug kapasidad sa mga barangay
responders sa pag-atubang sa nagkalainlaing emerhensiya.

Ang programa giabrihan sa Centennial Stage sa Kaamulan Park sa Malaybalay Ciy, Bukidnon
kaniadtong Hulyo 22, 2026.
Ang kalihokan nagtigom sa mga barangay fire responders gikan sa nagkalainlaing barangay sa
dakbayan aron ipakita ang ilang kahibalo, kahanas, ug kahandam pinaagi sa mga kompetisyon ug
praktikal nga ehersisyo nga may kalabotan sa fire suppression, rescue operations, ug emergency
response.
Matud sa BFP-Malaybalay City Station, ang maong kalihokan gitumong sa pagpalig-on sa
competence, skills, ug operational readiness sa mga responders, ilabina sa grassroots level, nga
maoy unang motubag sa panahon sa sunog, aksidente, ug uban pang mga kalamidad sa ilang
komunidad.
Pinaagi sa mga simulation exercises ug kompetisyon, gipaabot nga mas mapalambo ang
koordinasyon, teamwork, ug paspas nga pagresponde sa mga barangay responders, nga adunay
dakong papel sa pagpanalipod sa kinabuhi ug kabtangan sa katawhan.

Gilauman usab nga ang maong kalihokan makadasig sa mga barangay sa padayon nga pagpalig-
on sa ilang disaster preparedness ug emergency response capabilities, subay sa tumong sa Bureau
of Fire Protection nga makahimo og mas luwas ug mas andam nga mga komunidad batok sa
nagkalainlaing matang sa emerhensiya. (melbmadera)