Gipahigayon sa City Government of Valencia ang seremonyal nga pag-blessing sa lugar nga
pagatukoran sa bag-ong P1 Billion Valencia City Hall sa Diversion Road, Barangay Bagontaas
kaniadtong Hulyo 16, 2026

Gipangunahan ni City Mayor Amie Galario ang seremonyas uban ni City Vice Mayor Greizl
Galario-Fernandez, City Spokesperson ug kanhi City Mayor Jun Galario, mga miyembro sa ika-
10th Sangguniang Panlungsod, mga opisyal sa lokal nga panggamhanan, ug mga empleyado sa
City Government of Valencia.
Sumala sa kasayoran sa city government sa Valencia, ang pagtukod sa bag-ong City Hall
gilauman nga mapondohan tipik sa kapin P2.7 billion nga loan nga gi-process sa Landbank alang
sa nagkalain-laing priority infrastructure projects sa Dakbayan sa Valencia.
Sa iyang mensahe, miingon si Mayor Amie Galario nga ang maong building complex mahimong
bag-ong sentro sa episyente nga paghatag og serbisyo publiko nga nag-angay sa nag-uswag nga
mga uso sa inobasyon ug teknolohiya.

Matud ni Architect John Malaya sa City Engineering Office, ang maong building complex
tukuron sa isa ka lima ka ektaryang luna ug pagatukoran og mga opisina sa ehekutibo ug
lehislatibo, ingon man mga pasilidad alang sa paghatag og serbisyo publiko ug mga civic spaces
alang sa mga kalihokan sa komunidad. (melbmadera)