Ubos sa Executive Order 29, ang bag-ong natukod ug gipalapdan nga Malaybalay City ICT and Innovation Council nagpahigayon sa ilang unang miting niadtong Abril 17, 2023, sa Conference Hall sa Malaybalay City Hall.
Base sa pahibalo sa DICT Region 10, ang konseho naghisgot ug misagop sa Malaybalay ICTI EO, uban sa mga plano, programa, kalihokan, ug budgetary requirements sa DICT Bukidnon.
Ang mga miyembro sa konseho, nga gilangkuban sa mga representante gikan sa lokal ug nasudnong ahensya, business ug academic sectors, ug ang LEDIPO, ang secretariat sa konseho, mihatag sa ilang positibong suporta alang niini nga mga plano.
Ang Malaybalay City ICT and Innovation Council nagtumong sa pagpalambo sa pagtukod ug pagtubo sa ICT-related businesses, ilabina sa mga startup ug MSMEs, pinaagi sa paghatag og lain-laing mga programa ug mga inisyatiba. (MG Mayumi B. Madera)