Malampusong gi-host sa Valencia City ang Grand Opening sa Provincial Linggo ng Kabataan
2026, diin mainitong giabiabi ang mga delegasyon ug mga batan-ong partisipante gikan sa
nagkalain-laing bahin sa Bukidnon.

Mitambong sa kalihokan ang mga organisasyon sa kabatan-onan, Sangguniang Kabataan
officials, Local Youth Development Officers ug mga miyembro sa youth councils gikan sa
nagkalain-laing lokal nga pangagamhanan sa probinsya.
Sumala sa kasayoran sa City Government of Valencia, nipahayag sa suporta sa kalihokan si City
Mayor Amie Galario, uban sa tenth Sangguniang Panlungsod ubos sa pagpangulo ni City Vice
Mayor Greizl Galario-Fernandez.
Kabahin sa selebrasyon ang nagkalain-laing kalingawan ug sporting events nga giandam sa SK
Provincial Federation ubos sa pagpangulo ni Rhea Lou Sioco Linas, nga gipahigayon gikan
Agosto 14 hangtod Agosto 16.
Nahimo usab ang malampusong pagpangandam sa maong kalihokan pinaagi sa hiniusang tabang
ug suporta sa Valencia City Youth Development Office ubos sa pagpangulo ni Local Youth
Development Officer Francis Olver Awiten, Valencia City SK Federation ubos sa pagpangulo ni
SK President Estoquia, ug mga youth volunteers. (melbmadera)