Sunday, April 28, 2024

Tag: PAGRO

Mga mag-uuma sa FFS gibansay

Posted on by Diego M. Hidalgo

Gibansay sa Provincial Agriculture Office (PAgrO) ang 30 ka mag-uuma sa Farmers Field School (FFS) kabahin sa Irrigated Lowland Rice Production

Matod sa kasayoran, pagabansayon ang mga partisipante sulod sa 16 ka semana sa matag
adlawng Myerkules.

Ang kalihokan una nang gisugdan niadtong Oktobre 10, 2023 didto sa Barangay Kalabugao,
Impasug-ong, Bukidnon.

Sa ika-13 nga session niadtong Enero 10, 2024, gihisgutan ang kabahin sa Palay Check System Key Check 7, no significant yield loss tungod sa peste ug sakit, hands-on nga pagbuhat sa concoction o organic nga abono ug insecticides.

Lakip sab nila nga gitun-an ang kabahin sa pagdumala sa pagpalambo sa humay. (Diego M. Hidalgo)

Top 3 R-10 priority target sa illegal drug personalities nakorner

Posted on by cmn

Nasikop sa hiniusang puwersa sa kapolisan ang Top 3 Regional Priority Target sa illegal drug personalities

Sumala sa report sa Bukidnon Provincial Police Office, ang suspek nasikop resulta sa gipatuman nga search and seizure warrant order hapon sa Disyembre 9, 2023.

Ang 43 anyos nga lalaki nga lakip sa drugs wathclist ang nasikop sa Purok 10, South Poblacion, Maramag, Bukidnon.

Nakuha sa reyd ang mga pakite sa gidudahang shabu lakip ang drug paraphernalia ug pipila ka mga bala sa armas.

Mokabat sa 8.0 gramos ang gibanabanang kinatibuk-ang gibug-aton sa mga nasakmit nga ebidensiya nga gituohang shabu nga adunay gibanabanang kantidad nga Php54,400.00.

Ang search ug physical inventory sa mga nasakmit nga ebidensiya gihimo sa dapit sa pagdakop sa presensya sa suspek ug sa duha ka barangay kagawad ug isa ka miyembro sa media.

Ang dinakpan nga suspek uban sa mga nasakmit nga ebidensiya gidala sa Maramag MPS alang sa dokumentasyon ug saktong disposisyon, samtang ang mga ebidensiya sa droga ug mga bala i-turn-over sa Bukidnon Provincial Forensic Unit sa Malaybalay City, Bukidnon alang sa qualitative ug quantitative examination, ug ballistic examination.

Kasong Paglapas sa Section 11, Article II sa RA 9165 kon Comprehensive Dangerous Drugs Act of 2002 ug Paglapas sa RA 10591 kon “Comprehensive Firearms and Ammunition Regulation Act” ang giandam na alang sa inquest proceedings.

Uban sa pagronda sa Maramag MPS ang mga personahe BUKPDEU ug BukPIU-Tracker Team. (melbmadera)

29 Bukidnon rice farmers, gibansay

Posted on by cmn

Adunay 29 ka mga rice farmers sa Bukidnon ang gibansay sa lowland rice production ubos sa Farmers Field School (FFS)

Gitaho sa LGU Bukidnon nga ang mga mag-uuma mi-gradwar gikan sa ilang pagbansay niadtong Oktubre 17, 2023 sa Barangay Kulasihan, lungsod sa Lantapan, Bukidnon.

Matod sa pahibalo, gipasiugdahan ang pagbansay sa Provincial Agriculture Office (PAgrO), Municipal Agriculture Office sa lungsod sa Lantapan ug Department of Agriculture.

Ang mga mag-uuma gitaho nga gibansay sulod sa 16 ka semana.

Sila gibansay kabahin sa Morphology of Rice Plant, Agro Ecological System Analysis (AESA), Trichogramma application, Natural Farming Technology System (NFTS), ug uban pang teknik sa pagpananom.

Sa laing bahin, gilusad sab niadtong Oktubre 3 ang lowland rice production training sa Barangay Kalabugao, Impasug-ong, Bukidnon.

Kini nga pagbansay gisalmotan sab sa 30 ka mga mag-uuma. (MG Mayumi B. Madera)

31 corn farmers, mi-gradwar sa FFS sa Bukidnon

Posted on by Omar Rashid Z. Abdullah

Mikabat sa 31 ka mag-uuma sa mais ang mi-gradwar ubos sa Farmers Field School (FFS) niadtong Setyembre 12, 2023 sa Barangay Kisanday, lungsod sa Maramag, Bukidnon

Base sa pahibalo sa LGU Bukidnon, ang maong programa gipasiugdahan sa Provincial Agriculture Office (PAgrO), Municipal Agriculture Office sa lungsod sa Maramag ug Department of Agriculture (DA).

Ang FFS nagtutok sa hybrid yellow corn production, nga gitun-an gikan niadtong Mayo 16 hangtud Setyembre 1, 2023.

Tinguha sa maong programa nga matabangan ang mga mag-uuma nga makakat-on og bag-o ug tukma nga mga teknik ug teknolohiya, aron mapatas-an ang abot sa ilang ani. (Omar Rashid Z. Abdullah)

26 ka mag-uuma, gibansay sa Malaybalay

Posted on by Diego M. Hidalgo

Gibansay sa Provincial Agriculture Office (PAgrO) ang 26 ka mag-uuma sa Farmers Field School (FFS) kabahin sa irrigated rice production

Gibansay sila sulod sa dise saes ka semana sa matag adlaw’ng Huwebes, kini base sa pahibalo sa Provincial Government of Bukidnon.

Ang pagbansay gisugdan niadtong Hunyo 29 ug matapos karong Setyembre 12, 2023.

Ang mga mag-uuma gibansay sa Barangay Kulasihan, lungsod sa Lantapan, ning probinsya.

Sa maong pagbansay, gitudloan ang mga mag-uuma kabahin sa Morphology of Rice Plant, Agro Ecological System Analysis (AESA), Trichogramma application, Natural farming Technology System (NFTS), ug uban pang teknik sa pagpananom. (Diego M. Hidalgo)

4H Club Simultaneous Tree Growing Activity gipahigayon sa Bukidnon

Posted on by cmn

Ang Provincial Government of Bukidnon (PGB) mipahigayon sa pinaka-unang 4H Club Simultaneous Tree Growing Activity niadtong Hunyo 10, 2023

Gipahibalo sa PGB nga ang nahigayon nga aktibidad mao ang 1st batch.

Ang tree growing activity gipangunahan sa Provincial Agriculture Office (PAgrO).

Ang maong kalihukan nagtangag sa tema nga “Build Today, Plant for Tomorrow”.

Nagtinguha kini nga malikayan ang grabeng epekto sa climate change.

Napulo ka mga lungsod ang mi-partisipar sa maong kalihukan nga mao ang lungsod sa Talakag, Manolo Fortich , Sumilao, Malitbog, Impasugong, San Fernando, Cabanglasan, Maramag, Kalilangan ug Kadingilan.

Kinatibuk-ang 528 ka mga seedlings ang natanum sa mga luna nga adunay dakong kakulangon sa tinanom nga kahoy.

Ang mga seedlings naglangkub sa pink trumpets, narra, lawaan, pine trees ug fruit trees.

Gilauman nga ipahigayon ang 2nd batch karong umaabot Hunyo 21, 2023 alang sa mga mga lungsod ug syudad nga wala makapartisipar, (MG Mayumi B. Madera)

200K Tilapia fingerlings libreng gihatag sa PGB

Posted on by cmn

Libreng gihatag sa Provincial Government of Bukidnon (PGB) pinaagi sa Provincial Agriculture Office (PAGRO), sa pakigtimbayayong sa Bureau of Fisheries and Aquatic Resources (BFAR) ang 200,000 nga tilapia fingerlings

Sa pahibalo sa lokal nga panggamhanan sa Probinsya sa Bukidnon, ang maong mga isda gipanghatag kaniadtong Abril 12, 2023 sa Capitol Compound, Malaybalay City, Bukidnon ngadto sa mga kooperatiba o mag-uuma nga adunay fishponds.

Niabot sa 120,000 tilapia fingerlings ang gihatag sa gipahigayon nga ceremonial distribution, dungan sa 80,000 tilapia fingerlings ngadto sa mga agriculture offices sa matag lungsod ug syudad sa probinsya kinsa maoy mag distribute ngadto sa uban pang benepisyaryo. (MG Mayumi B. Madera)