Thursday, November 21, 2024

Tag: CSWD

2 centenarians sa Malaybalay nakadawat og incentives

Posted on by Melchor Madera

Duha ka centenarian ang nakadawat og tag P100,000.00 nga cash incentives gikan sa City Government sa Malaybalay niadtong Mayo 17, 2024

Sumala sa kasayoran sa LGU Malaybalay, ang duha mao sila Mrs. Yaga Sarino Molhay ug Mrs. Porfita Sario Libanda nga parehong residente sa Brgy. Manalog.

Si Molhay natawo niadtong Mayo 20, 1920, samtang si Libanda natawo niadtong Nobyembre 4, 1921.

Giila sila pinasubay sa Republic Act 10868, the Centenarian Act of 2016, nga nag-ila sa mga Pilipino nga moabot og 100 anyos.

Si City Mayor Jay Warren R. Pabillaran, inubanan sa Barangay Manalog Council sa pagpangulo ni Barangay Chairman Roney Lagunday, 9th Sanguniang Panglungsod, Office of the Senior Citizens Affairs (OSCA) ug City Social Welfare and Development Office (CSWDO) personnel, ang nitunol sa tseke mismo sa panimalay sa mga benepisaryo sa Brgy. Manalog.

Subay sa City Ordinance No. 988, series of 2021, ang Syudad sa Malaybalay mihatag sa matag centenarian og isa ka higayon nga insentibo nga P100,000.00, uban ang cake ug bouquet sa mga bulak.

Sila ang ikaduha ug ikatulo nga centenarian nga nakadawat sa maong mga insentibo gikan sa City Government sukad naaprobahan ang lokal nga ordinansa. (melbmadera)

PGB mihatod og relief goods sa Valencia

Posted on by Omar Rashid Z. Abdullah

Ang Provincial Government of Bukidnon (PGB) mihatod og relief goods ngadto sa local government unit sa Valencia City

Base sa pahibalo sa PGB, ang relief goods gilangkuban sa 150 ka sako sa bugas, 500 nga karton sa beef loaf, ug 30 ka karton sa sardinas.

Ang relief good gitunol ngadto kang City Social Welfare and Development (CSWD) Officer Yvonne Sapanta niadtong Oktubre 21.

Gipakisayud ni CSWD Officer Sapanta nga walo ka mga barangay sa dakbayan ang naapektuhan human masinati ang kalit nga flash flood niadtong Oktubre 19 sa gabie.

Ang mga barangay nga apektado mao ang Poblacion, San Carlos, Lurugan, Lumbo, Sugod, Batangan, Bagontaas, ug Pinatilan.

Gibutyag nga mikabat sa 2,286 ka mga pamilya ang apektado ug duha ang natala nga casualty. (Omar Rashid Z. Abdullah)

60 PWDs gibansay sa VocTech Course

Posted on by cmn

Ang 60 ka Persons with Disabilities (PWDs) nga gikan sa dakbayan sa Malaybalay, gipailalom sa 2-day VocTech Course sa niaging semana

Base sa pahibalo sa LGU Bukidnon, sila gibansay niadtong Oktubre 4-5, 2023 sa People’s Hall, New Malaybalay City Hall ning dakbayan.

Ang pagbansay napahigayon sa pakigtambayayong sa City Social Welfare and Development Office, City Agricultural Office ug Malaybalay City PWD Federation.

Tumong sa maong pagbansay nga matudluan ang mga PWDs sa hustong kahibalo kabahin sa mga teknikal nga aspeto ug pamaagi sa pagbuhi sa native chicken.

Lakip na niini ang pag-avail sa livestock insurance ug livelihood seed capital, nga ilang magamit alang sa umaabot nga pagpanarbaho o pagnegosyo. (MG Mayumi B. Madera)