Sunday, April 21, 2024

Tag: DICT

Visitour.ph app, gilusad sa Bukidnon

Posted on by Omar Rashid Z. Abdullah

Ang online application nga Visitour.ph app gilusad niadtong Setyembre 13, 2023 sa Kaamulan Open Theatre, Malaybalay City, Bukidnon

Base sa pahibalo sa Provincial Government of Bukidnon, uban sa pakigtimbayayong sa PGB,

gipasabot sa mga personahi sa Visitour.ph ang paggamit sa online application niini.

Gipasabot ang app ngadto sa mga tourism officers sa lungsod ug syudad sa probinsya, mga personahi sa Department of Trade and Industry (DTI) Department of Information and Communications Technology (DICT), ug mga tunghaan ug uban pang hingtungdang partisipante.

Ang visitour.ph application ang pinaka-una nga one-stop shop tourism application sa nasud.

Matod pa, isa kini ka all-in one mobile app diin makita sa mga turista ang tanan nga ilang kinahanglan kung magbyahe, gikan sa pagpa-book sa mga tours ug accommodation, pagpangita sa mga promo o local updates, digital payments o remittance, location maps ug uban pa.

Pinaagi sa paglusad sa maong app, gilantaw nga mas mapalambo pa niini ang turismo sa lalawigan. (Omar Rashid Z. Abdullah)

ICT Month giselebrar sa Valencia

Posted on by cmn

Pormal nga gibuksan sa lokal nga pangagamhanan sa Valencia pinaagi sa Information Technology Services Division (ITSD) ang ICT Month celebration niadtong Hunyo 6, 2023

Sa tema nga “Knowledge Empowerment Reinforcing Networked E-Learning,” sentro sa mensahe ni Director Sittie Rahma V. Alawi, Department of Information and Technology (DICT) Region 10, ang pag-uswag sa sistema sa paghatod og impormasyon, ug edukasyon sama sa e-learning, ingon man ang misyon sa DICT nga pahimuslan ug palamboon ang potensyal sa teknolohiya alang sa ikauswag sa ekonomiya.

Gipaabot usab ni Mayor Azucena Huervas pinaagi ni Roque Rios Jr., Executive Assistant IV, ang iyang suporta sa maong kalihokan ug ang iyang pagdasig sa katawhan nga makiglambigit sa gihan-ay nga mga aktibidad sa ITSD sa pagpangulo ni Erlinda Sandig, Information Technology Officer II, aron mahimong mabungahon ang selebrasyon.

Atol sa maong kalihokan, gipangunahan ni Charmaigne Portal, City Gender and Development (GAD) Focal Person, ang paglunsad sa GAD Website Portal nga magsilbi nga tinubdan sa mga impormasyon mahitungod sa mga kalihokan ug aktibidad sa dakbayan kalabot sa GAD.

Nagmalamposon usab ang pakigpinirmahay sa lokal nga pangagamhanan sa Memorandum of Understanding kauban ang Development Academy of the Philippines ug Memorandum of Agreement tali sa Central Mindanao University alang sa kolaborasyon kalabot sa pag-implementa sa Smarter Philippines Through Data Analytics, R&D, Training and Adoption (SPARTA) ingon man ang pagmugna og mga plano ug mga programa mahitungod sa Research, Development, and Extension (RDE) nga ikalambo sa matag barangay sa dakbayan.

Gipangunahan usab ni Keren Happucha Lacadin, ICT Industry Deputy Focal, Development Bureau-DICT 10, ang pagpaila-ila sa mga miyembro sa Valencia City ICT Council nga maoy magapanday sa mga plano alang sa pagpatuman sa mga ICT programs sa dakbayan.

Nahimo nga mamumulong sa maong programa sila Engineer Josephine Santiago-Bond, Institutional Division Chief, NASA Kennedy Space Center Safety and Mission Assurance, Annalou Zambrano, City Councilor, Atty. Marlowee Selecios, City Legal Officer, Atty. Romuel Roque, PGO Bukidnon Executive Assistant, ug April Geyruss P. Duran, Administrative Aide III, nga mipresentar kay Vice Mayor Atty. Ted Pepito. (City Government of Valencia)

Capacity Building, Institutional Development alang sa ICT Council sa Valencia, nagmalampuson

Posted on by Diego M. Hidalgo

Nagmalamposon nga napahigayon ang Capacity Building ug Institutional Development alang sa mga miyembro sa Information and Communications Technology (ICT) Council sa Lokal nga Pangagamhanan sa Dakbayan sa Valencia

Nagmalapuson kining napahigayon niadtong Mayo 15-16, 2023, base sa pahibalo sa City Government of Valencia.

Ang aktibidad gipangunahan sa Information Technology Service Division (ITSD) sa pakigtambayayong sa Department of Information and Communications Technology (DICT) Region 10.

Nahisgutan sa maong aktibidad ang kamahinungdanon sa ICT alang sa pagkab-ot sa katilingbanon ug ekonomikanhong kalamboan ingon man ang dakong papel sa ICT Council sa pagmugna og mga programa ilabina sa paghatag og oportunidad sa katawhan nga makakita og trabaho. (Diego M. Hidalgo)

Katukuran sa 2 ka RTC branches sa Bukidnon, gihangyo kang Sen. Pres. Zubiri

Posted on by cmn

Gihangyo sa 27th Sangguniang Panlalawigan si Senate President Juan Miguel F. Zubiri sa paghimo og balaod nga magtukod sa dugang duha ka Regional Trial Court (RTC) Branch, 10th Judicial Regional nga ipahimutang sa lungsod sa Maramag ug Don Carlos, Bukidnon

Gitandi sa 27th SP ang probinsya sa Bukidnon ug Misamis Oriental, basi sa 2020 Population Census sa Philippine Statistics Authority (PSA), nasuta nga adunay dakong diperensya sa kadaghanon sa populasyon sa duha ka probinsya. Diin ang Misamis Oriental aduna lamang populasyon nga 956,900 apan adunay 18 ka RTC Branches, samtang ang Bukidnon, adunay 1,541,308 nga populasyon, apan aduna lamang walo ka RTC Branches.

Mo-ihap ngadto sa 3,685 ang collective caseload sa tibuok RTC sa Bukidnon as of Jan. 2022, diin 3,566 niini ang mga kaso nga natanggong o pending sa RTC Branch 8,9,10,45,46 ug 119 ang pending case sa RTC Branch 11. Samtang as of Sep. 2022, ang pending cases mo-ihap na ngadto sa 3,678, diin 3,589 niini ang gikan sa RTC Branch 8,9,10,45,46 ug 89 ang gikan sa Branch 11.

Gisugyot nga ang RTC Branch nga ipahimutang sa lungsod sa Maramag, adunay territorial jurisdiction unya sa mga lungsod sa Maramag, Quezon, Pangantucan ug Kalilangan, samtang ang lain pa nga RTC Branch nga ipahimutang sa Don Carlos mao usab ang magtutok sa mga kaso gikan sa mga lungsod sa Don Carlos, Kitaotao, Dangcagan, Kibawe, Damulog ug Kadingilan.

Sa maong lakang gikinahanglan usab nga mapahimutang unya ang Prosecutor’s Sub-Office, Public Attorney’s Office, Parole and Probation Office, Bureau of Jail Management and Penology ug Hall of Justice nga magamit sa usa ka RTC sa Maramag ug Don Carlos, Bukidnon, nga gi-inagurahan na niadtong Pebrero 22, 2022 ug Marso 22, 2022.

Gikunsidera sa SP nga kung madugangan ang RTC Branches sa probinsya, mas mapadali ug mapasayon ang paglihok sa kaso, sa ingon, dali na usab ang pagkab-ot sa hustisya. (PR)

DICT installs 99 access points on Free Wi-Fi in Bukidnon

Posted on by cmn

MALAYBALAY CITY (March 03) – The Department of Information and Communications Technology (DICT) has mounted 99 access points on Free Wi-Fi in Bukidnon.

Mr. Hansel T. Echavez, supervising administrative officer of Public Affairs, Information, and Assistance of the office of the Governor, said it was installed at the 44 local sites in the province within 19 local government units (LGUs).

He said the virtual launching of Bukidnon Free Wi-Fi sites took place on March 2 through a teleconferencing platform using the Zoom App and was also seen through live streaming on the official Facebook account of DICT in Region 10.

Echavez disclosed that in Bukidnon, the Wi-Fi hotspots of the 19 local government units are in plazas, schools, hospitals, and administration buildings.

He clarified that the said LGUs are the towns of Baungon, Cabanglasan, Damulog, Dangcagan, Don Carlos, Kadingilan, Kalilangan, Kibawe, Kitaotao, Libona, Malitbog, Manolo Fortich, Maramag, Pangantucan, Quezon, San fernando, Sumilao, Talakag and Malaybalay City.

Echavez added that Gov. Jose Ma. R. Zubiri, Jr. expressed his gratitude to DICT through provincial administrator Atty. Jay S. Albarece.

He said the governor was glad about the 44 public Wi-Fi hotspots but asked the department further to improve the internet speed of the established hotspots, build more sites to expand their coverage, and the majority can avail the Free Wi-Fi for the desired “Internet for All” in the Philippine Digital Strategy.