Nagmalampuson nga napahigayon sa Lokal nga Pangagamhanan sa Dakbayan sa Valencia ug sa Department of Agriculture (DA) Region 10 ang pagpahigayon sa groundbreaking ceremony alang sa duha ka proyekto sa dakbayan
Base sa pahibalo sa City Government of Valencia, ang groundbreaking nahigayon niadtong Mayo 24, 2023.
Ang duha ka proyekto mao ang pagtukod og warehouse nga adunay multi-purpose drying pavement o solar dryer sa Sitio Tandacol, Barangay Lilingayon ug Sitio Buco, Barangay Banlag.
Sa pagtukod sa maong post-harvest facility, tingoha niini nga mapalambo ang agrikultura ug maserbisyohan ang liboan ka mga mag-uuma sa maong lugar diin aduna na silay mabutangan ug mabularan sa ilang mga produkto sama sa kape, abaca, mais ug uban pa. (Diego M. Hidalgo)